Kryeministri Edi Rama ishte këtë të hënë në Luksemburg ku mbajti një Konferencë të përbashkët shtypi me Radosłaë Sikorski, Ministër i Punëve të Jashtme të Polonisë (e cila mban Presidencën e Këshillit të BE), dhe Marta Kos, Komisionerja për Zgjerim e BE.

Ai tha se në këtë takim Shqipëria tregon vendosmërinë, vullnetin dhe pasionin e plotë për të arritur që deri në vitin 2027 Shqipëria të ketë çekur, por edhe mbyllur të gjithë grup-kapitujt për anëtarësimin e saj në BE.

“Kam vetëm fjalë mirënjohje për presidencën polake, për udhëheqjen e saj të qëndrueshme për ta çuar përpara këtë proces. Falenderimet tona të veçanta shkojnë edhe për Këshillin evropian, si dhe për komisioneren për zgjerimin e BE-së Marta Kos.

Po presim me padurim që të sigurohemi së bashku që brenda vitit 2027 të gjithë grup-kapitujt, jo vetëm të jenë çelur por të jenë mbyllur. Është super-ambicioze, por jemi këtu sot për të rikonfirmuar vullnetin tonë, vendosmërinë tonë dhe pasionin tonë të plotë për ta arritur këtë. Për Shqipërinë kjo është një zgjedhje ekzistenciale jete”,-tha Rama.

LEXONI GJITHASHTU:

• Rama në Konferencën Ndërqeveritare me BE, hapet grup-kapitulli i dytë i negociatave
• “Më 11 maj zgjedhim Shqipërinë”, Basha në Selanik: Rama ka 12 vite me dështime