Brenda 3 ditësh do të përcaktojmë datën e protestës, thotë Berisha

Kryetari i Partisë Demokratike, Sali Berisha deklaroi se brenda 3 ditësh, do të bëhet publike data se kur do të mbahet protesta e opozitës.

Gjatë fjalës së tij në mbledhjen me kryetarët e PD-së në rrethe, Berisha nënvizoi se krahas kësaj, do të ketë edhe protesta lokale.

Berisha u shpreh se çdo qytetar shqiptar duhet të shohë se Partia Demokratike është në këmbë për të mbrojtur interesat e tyre.

“Këto 2-3 ditë ne do të caktojmë datën e protestës së përgjithshme, por krahas saj do të ketë protesta të tjera, duhet të imagjinojmë dhe të parashikojmë të gjitha mjetet e mosbindjes civile. Nuk ka të ndalur. Ky e konsideron Shqipërinë një plaçkë të tij. Ky i konsideron intersat kombëtare, interesa personale të tij.

Ky ka vetëm një qëllim, pasurimin e tij të paligjshëm. Duhet të shohin fermerët shqiptarë, biznesmenët shqiptarë, shtresa e mesme e Shqipërisë, se jemi në këmbë dhe në sulm për të mbrojtur interesat e tyre”. theksoi kryedemokrati.

LEXONI GJITHASHTU

• Berisha: Për karrigen e tij, Rama i gatshëm të zbatojë urdhrat e Vuçiç dhe Erdogan

• Berisha kërkon dorëheqjen e Çuçit, thirrje qytetarëve për të dalë në protestë
• Berisha akuza ndaj Ramës: Qesen me kokainë ia vendosët në stomak