“Bruksizmi mund të lërë pa dhëmbë”, stomatologu: Shkakton thyerje dhe gërryerje

Stomatologu Besnik Sadikaj tha se bruksizmi është një sëmundje e cila mund të shkaktojë shumë probleme te pacientët.

I ftuar në “Good Morning Albanians”, ai tha se kërcitja e dhëmbëve, pra bruksizmi, arrin që të shkaktojë shkurtim të dhëmbëve e madje edhe thyerje të tyre pasi fuqia që një i rritur ka në kafshim, është mbi 600 kilogram.

“Bruksizmi sjell probleme si shkurtimi i dhëmbëve, prishjen e dhëmbëve, fillimin e lëvizshmërisë së dhëmbit. Në raste kur ka punime protetike, pacientët arrijnë deri në thyerje të fasetave ose të urave të porcelanit dhe të zirkonit. Forca mesatare e kafshimit të një maxhoreni është mbi 600 kilogram për kafshim”,-tha stomatologu.

LEXONI GJITHASHTU:

• Studimi: Rreth 50% e fëmijëve vuajnë nga bruksizmi i gjumit
• Reflektimi i Gështenjës: Kemi bërë shumë zgjedhje në PD, asnjë palë të vërteta