Bugaiski: Sulmi në Veri u orkestrua në Beograd, shërbimet sekrete serbe duan…

Analisti Janush Bugaiski komentoi në një intervistë për Euronews Albania, sulmet në veri të Kosovës. Sipas tij gjithçka ishte orkestruar nga shërbimi i sigurisë së Serbisë.

Në këndvështrimin e analistit ishte qeveria serbe ajo që donte të provokonte një përshkallëzim të mundshëm.

“Nuk do e quaja thjesht një sulm terrorist, mendoj se ishte një sulm shtetëror nga Serbia kundër Kosovës. Qartazi, sulmi u orkestrua nga qeveria serbe, nga shërbimi i sigurisë së Serbisë dhe qëllimi ishte të provokonte më tej tensionin dhe paqëndrueshmërinë dhe mendoj se ishte një provë për veprime të mëtejshme. Mendoj se është pjesë e një motivi përshkallëzimi që mendoj se Vuçiçi do e përdorte herë pas here për të minuar sovranitetin, pavarësinë dhe integritetin territorial të Kosovës,” – u shpreh Bugaiski.

LEXONI GJITHASHTU:

• Berisha: Rezoluta për Kosovën, u hoq nga rendi i ditës të parlamentit nga Rama
• Serbia tërhiqet nga kufiri, DASH: E mirëpresim, por duhet ta verifikojmë