Shefi i diplomacisë së Maqedonisë së Veriut Bujar Osmani ka vizituar Ukrainën, në shenjë mbështetjeje për rezistencën e popullit ukrainas.

Në mënyrë simbolike u rihap edhe ambasada e Maqedonisë së Veriut në Ukrainë.

“Shkatërrimi që pamë sot është përtej asaj që mund të thuhet me fjalë. Sulmet ndaj civilëve janë krejtësisht i pajustifikuar dhe agresori duhet të mbahet përgjegjës. Maqedonia e Veriut ka qenë e qartë dhe ka dënuar agresionin të paprovokuar nga Rusia dhe ka treguar solidaritet për Ukrainën, ushtrinë e saj dhe popullin e saj”, tha Osmani.

Ministri i Jashtëm ukrainas, Dmitro Kuleba, ofroi mbështetjen e shtetit të tij për Maqedoninë e Veriut gjatë rrugëtimit euro-integrues.

Ai bëri thirrje për dënim të agresionit rus në Ukrainë.

“Qëndrimi im është që BE-ja duhet të zgjerohet në vendet e Ballkanit Perëndimor, të cilat kanë vlera të ngjashme dhe domethënëse me ato evropiane. Shpresoj që Parlamenti i shtetit tuaj do të miratojë rezolutë me të cilën do ti quajë veprimet e Federatës Ruse në Ukrainë si gjenocid. Maqedonasit e kanë të qartë si është të ua cenojnë identitetin dhe kulturën”, u shpreh Dmitri Kuleba, ministër i jashtëm i Ukrainës.

Osmani është zyrtari i dytë i lartë nga Maqedonia e Veriut që viziton Ukrainën në periudhë të shkurtër kohore.

Më herët Ukrainën e ka vizituar edhe kryeparlamentari maqedonas Talat Xhaferi.

LEXONI GJITHASHTU:

• PE i kërkon BE-së të nisë negociatat me Shqipërinë dhe RMV në qershor
• Negociatat me Shqipërinë dhe RMV, Borrell: Vonesat janë të papranueshme