Burgjet franceze goditen nga një valë sulmesh brenda natës

Disa burgje në Francë janë sulmuar gjatë natës në një valë goditjesh që përfshinë djegien e automjeteve dhe të shtënat me armë automatike, raportoi ministri i Drejtësisë, Gérald Darmanin.

Sipas Darmanin, burgjet janë përballur me përpjekje frikësimi, përfshirë djegien e automjeteve në parkingje dhe sulme me armë automatike në burgun e Toulonit. Gazeta La Parisien raportoi se gjashtë objekte janë sulmuar, duke përfshirë ato në Toulon, Aix-en-Provence, Marseille, Valence, Nîmes, Luynes, Villepinte dhe Nanterre.

Sindikata e rojeve të burgut, FO Justice, ka shprehur shqetësimin dhe zemërimin e saj për sulmet “jashtëzakonisht të rënda”, duke theksuar se stafi i burgjeve është i ekspozuar ndaj rrezikut. Sindikata publikoi imazhe të vrimave të plumbave në dritaret e burgut në Toulon dhe automjeteve të djegura në parkingjet e burgjeve të tjera.

Në një postim në X, Darmanin tha se po udhëtonte për në Toulon për të ofruar mbështetje për oficerët e prekur nga këto sulme. Ai theksoi se qeveria po përballet me sfidën e trafikut të drogës dhe po ndërmerr masa për të “prishur thellësisht” rrjetet kriminale që mund të jenë pas këtyre sulmeve.

Sulmet ndodhin në një kohë kur autoritetet franceze janë të angazhuara në përpjekje të vazhdueshme për të trajtuar problemet e sigurisë dhe kriminalitetit në sistemin e burgjeve.

LEXONI GJITHASHTU:

• Serbia mban seancë për zgjedhjen e Qeverisë së re
• Britania sanksionon një rrjet kriminal iranian në Suedi