Analisti Genc Burimi është shprehur se Ilir Meta kërkon që të drejton Partinë Demokratike dhe Partinë e Lirisë në një moment kur Sali Berisha të mos ketë më aftësi fizike.
Në një intervistë për Euronews Albania, Burimi theksoi se Meta po bën çdo gjë që të pranohet nga demokratët, ndërsa theksoi se në të ardhmen Belind Këlliçi mund të jetë rivali i tij.
Ndërkohë protestën e nëntorit e konsideroi si marketim të përbashkët mes Sali Berishës dhe Ilir Metës.
“Protesta është dasma “Meta Berisha, është marketimi i përbashkët mes Sali Berishës dhe Ilir Metës. Sot nuk rrëzohet një pushtet me manifestime, por vetëm me zgjedhje. Kjo është protestë e parë mes dy partive.
Do kemi një imazh të fortë të dy liderëve bashkë. Meta e ka të qartë në kokë se në kohën e shkurtër është Berisha e në një kohë afatgjatë është Meta. Në kohën politike aktuale është Berisha në një kohë tjetër Meta. Ky i fundit po bën gjithçka që të pranohet nga demokratët.
Rivali i ardhshëm i Metës do të jetë Këlliçi”- tha ai.
LEXONI GJITHASHTU:
- Gjykata dënon me 3 vite burg ish-kryebashkiakun e Lezhës, Fran Frrokaj
- Rama: Tokën pa dokumente që pengon investimet, do ua kalojmë investitorëve
