Po të isha nën lëkurën e Lulzim Bashës, nëse Berisha do të konkurronte për kryetar i PD-së, do të konkurroja edhe unë.
Kështu u shpreh Baton Haxhiu në emisionin Shock në Euronews Albania.
Haxhiu tha se nëse, nga ana tjetër, Berisha nuk konkurron për kryetar i PD-së, atëherë as Basha nuk duhet të futet në garë.
Për Andi Bushatin, një garë midis Bashës dhe Berishës do të ishte si një “garë në një trup të sëmurë”.
Sipas tij, kjo do e mbante në konflikt PD-së, e cila duhet që “të shërohet nga plagët”.
Lulzim Basha dha dorëheqjen të hënën nga kryetar i PD-së. Sipas statutit, aktualisht kryetar i PD-së është nënkryetari Enkelejd Alibeaj.