Pirro Vengu, ministri i Mbrojtjes, ka dhënë një deklaratë për mediat këtë të mërkurë lidhur me projekt-buxhetin e mbrojtjes për 2026. Vengu tha se Shqipëria do të ketë buxhetin më të madh pas anëtarësimit në NATO.
Sipas tij do të prodhohen municione, dronë, edhe veçanërisht sisteme anti-dron, ku sipas ministrit është e nevojshme pas kërcënimeve që po bëhen në shumë aeroporte të Europës kohët e fundit.
“Është padyshim buxheti më i lartë dhe më i madh i mbrojtjes që pas anëtarësimit të Shqipërisë në NATO. Synojmë të rritem me 12% më shumë nga buxheti i 2025 dhe ku dhe prodhimi i brendshëm bruto është 2.12 %. Buxheti është i madh jo vetëm në volum por edhe i qartë. Nga kapitali njerëzor dhe nga dinjiteti i ushtarakëve dhe për të financuar statusin e ushtarakëve me më shumë se 13 mld lekë dhe sa i përket kapitalit njerëzor që të jenë në mesataren e NATO-s. Industria ushtarake ishin ato që u sqaruan. Projekt-buxheti synon të financojë municione, mjetet e blinduara një kapacitet kaq i nevojshëm i cili s’ka qenë në dispozicion dhe sistemet anti-drone dhe dronët ushtarakë dhe digjitalizimi dhe inovacioni.”-tha Vëngu.
LEXONI GJITHASHTU:
