Cani: Në dallim nga Merkel, Scholz e tha publikisht që Serbia duhet të njohë Kosovën

Eksperti i çështjeve të Ballkanit, Bahri Cani deklaroi se kancelari gjerman, Olaf Scholz e tha publikisht që Serbia duhet të një pavarësinë e Kosovës, ndryshe nga ish-kancelarja, Angela Merkel.

Në një intervistë për emisionin “Balkan Talks” në Euronews Albania, Cani u shpreh takimi mes Scholz, kryeministrit të Kosovës, Albin Kurti dhe presidentit të Serbisë, Aleksandër Vuçiç më 3 nëntor është i rëndësishëm, por nuk do të jetë vendimtar.

“Ky me siguri që është një takim i rëndësishëm, por nuk është një takim vendimtar. Është një takim ku palët ulen sy më sy, për hapat e tjerë që do ndërmerren, nuk do të ketë një vendim. Është fakt, që kancelari Scholz e ka thënë para publikut, të gjithë e dimë që çështja e njohjes pavarësisë së Kosovës, është përmendur jashtëzakonisht shpesh në të gjitha takimet e rëndësishme.

Kancelari Scholz, në dallim nga kancelarja ish-Merkel, ka bërë vërtet të duhur, ndonëse edhe jo të këndshëm për të. E ka thënë hapur, para publikut të Kosovës dhe para publikut të Serbisë”, theksoi ai.

LEXONI GJITHASHTU

• Bislimi: Targat nuk janë më pjesë e dialogut, por vendim që po zbatohet
• Ushtria serbe në gjendje gatishmërie, pas vendimit të qeverisë së Kosovës për targat
• Pas 21 nëntorit gjobë 150 euro për targat serbe, Policia e Kosovës sqaron procedurën