Eksperti i çështjeve në Ballkan, Bahri Cani deklaroi se në Samitin e ardhshëm të Procesit të Berlinit që do mbahet më 3 nëntor, pritet të diskutohet edhe për çështjen e ruajtjes së kufijve.
Në emisionin “Balkan Talks” në Euronews Albania, Cani nënvizoi se marrëveshjet mes vendeve ballkanike, janë të mira për rajonin.
Ai shtoi se Procesi i Berlinit do u shërbejë këtyre vendeve për t’u përgatitur për anëtarësim në Bashkimin Evropian.
“Baza e Procesit të Berlinit është bashkëpunimi rajonal dhe përgatitja e këtyre vendeve në Bashkimin Evropian. Ajo që duhet shtuar në këtë marrëveshje, është heqja e vizave mes Bosnje dhe Hercegovinës dhe Kosovës. Sa i përket marrëveshjeve, janë të mira për rajonin. Në takimin e Berlinit do të bëhet fjalë edhe për çështje të tjera të rëndësishme, si ajo e ruajtjes së kufijve. Duhet që vendet të merren vesh”, theksoi ai.
Më 3 nëntor, kancelari gjerman Olaf Scholz do të presë në Berlin liderët e gjashtë vendeve të Ballkanit Perëndimor dhe ata të BE-së, në kuadër të të ashtuquajturit “Procesi i Berlinit”, që është iniciuar nga paraardhësja e tij, Angela Merkel.
LEXONI GJITHASHTU
- Bislimi: Targat nuk janë më pjesë e dialogut, por vendim që po zbatohet
- Ushtria serbe në gjendje gatishmërie, pas vendimit të qeverisë së Kosovës për targat
- Pas 21 nëntorit gjobë 150 euro për targat serbe, Policia e Kosovës sqaron procedurën
