Carlos Alcaraz avancon më tej në Australian Open, mposht lehtësisht Hanfmann

I renditur si numri një në botën e tenisit, Carlos Alcaraz po zhvillon një rrugëtim pozitiv në Australian Open, ku deri më tani nuk ka hasur vështirësi.

Spanjolli kaloi pa problem në fazën e 1/16 të kompeticionit, ndërsa në orët e para të mëngjesit të së mërkurës likuidoi gjermanin Hanfmann. Një sfidë e dominuar nga Alcaraz dhe e fituar me shifrat 3-0. Seti i parë ishte më i luftuari, por sërish i fituar 7-6, më tek llogaritë u bënë më të lehta për 22-vjeçarin që mori rezultatet 6-3 dhe 6-2.

Në fazën tjetër të garës duelon me tenistin nga Franca Moutet. Pa probleme kaluan më tej dhe emra të tjerë të njohur si Medvedev apo Rublev të dy me rezultatin 3-1. Gjermani Alex Zverer siguroi një vend në 1/16 gjithashtu pasi kaloi pengesën Muller. Sfida në fjalë zgjati 4 sete, 3 të fituara nga Zverer dhe një për kundërshtarin e tij, që sigurisht vlejti vetëm për statistikë.

Jannik Sinner gjithashtu vazhdon rrugëtimin e tij në Australian Open, teksa të gjithë ëndërrojnë një përballje në vijim mes tij dhe Alcaraz.