Blendi Çeka nga MRB Data Centrum tha në “Barometri” në Euronews Albania se sipas sondazhit 40.9% e socialistëve shprehen se partia që ata mbështesin e di që ata votojnë për të, ndërsa nga ana tjetër 57.4% e demokratëve pohojnë të njëjtën gjë për partinë që ata mbështesin.

Duke komentuar se përse shifra e demokratëve është më e lartë, ndërkohë që Partia Socialiste ka më shumë instrumente për të mbledhur të dhënat, Çeka tha se vertët PS ka më shumë instrumente, por demokratët në përgjithësi vetë deklarohen për preferencat e tyre në politik.

“Në përgjithësi votuesit demokrat, ata që votojnë Partinë Demokratike, në kohë jashtëzakonisht të shkurtër e identifikojnë veten e tyre pa pasur nevojë t’i pyesësh. Është një përmasë e vetes përtej çfarë bën e kush je, është edhe pjesa që është votues i Partisë Demokratike.

Po përpiqem të tregoj se pse ndoshta edhe pse Partia Socialiste është shumë më e organizuar nga pikëpamja të dhënave të votuesve të saj, votuesit socialist e perceptohen më ulët këtë lloj identifikimi nga ana e partisë përtej gjithë diskutimit për patronazhistët”,-tha Çeka.

LEXONI GJITHASHTU:

• Gjetjet e Barometrit/ Nurellari: Turp kolektiv që ti të pranosh që patronazhistët…
• “E djathta nuk di ku ka kokën”- Pedagogia: Krerët e partive janë kthyer në “Zeusa”