Celibashi: Reforma zgjedhore e domosdoshme për të adresuar problemet e 11 majit

Këtë të enjte u zhvillua tryeza me temë “Përtej monitorimit: Drejt një reforme zgjedhore gjithëpërfshirëse për integritetin e zgjedhjeve në Shqipëri”, ku morën pjesë kryekomisioneri Ilirjan Celibashi, kreu i SPAK, Altin Dumani, dhe ambasadori britanik Nick Abbott.

Gjatë fjalës së tij, kreu i KQZ-së, Ilirjan Celibashi, kërkoi nisjen e punës për një reformë reale zgjedhore nga Kuvendi i ri, me qëllim sigurimin e integritetit të plotë të zgjedhjeve të ardhshme.

Ai citoi raportin e OSBE-ODIHR, duke theksuar se, megjithëse ka pasur përparim në zgjedhje, ende ekzistojnë problematika që mund të adresohen përmes reformës së re.

“Gjetjet nxisin nevojën për një reformë të thellë ligjore dhe institucionale me qëllim sigurimin e integritetit të plotë të zgjedhjeve. Me konstituimin e ri të Kuvendit në shtator, puna duhet të nisë menjëherë për të adresuar të gjitha problematikat në procesin zgjedhor në Shqipëri. Duhet të vlerësojmë se çfarë secili prej aktorëve politikë apo institucionalë duhet të bëjë ndryshe apo më mirë në kuadër të përgjegjësive për mbarëvajtjen e procesit zgjedhor. Reforma duhet të jetë gjithëpërfshirëse dhe të mos bazohet vetëm në konsensus të gjerë politik. Maxhoranca, e cila është pothuajse e përbërë nga Partia Socialiste në kuptimin kushtetues, shpresoj që të mos jetë pengesë nga pikëpamja formale për të pasur gjithëpërfshirje dhe konsensus mbi atë çfarë duhet reformuar,” u shpreh Celibashi.

LEXONI GJITHASHTU:

• Dumani bën bilancin për krimet zgjedhore: Kallëzimet e partive politike të paplota
• Balla nga Strasburgu: Reforma zgjedhore do vazhdojë në shtator