Çelja e sesionit parlamentar, Begaj mesazh Kuvendit

Presidenti Bajram Begaj i ka drejtuar një mesazh Kuvendit në nisjen e sezonit parlamentar.

Ai vlerësoi punën dhe iniciativat e parlamentit, ndërsa uroi deputetët për një fillim të mbarë.

Sidoqoftë, Begaj solli në vëmendje cilësinë e dialogut politik që lë për të dëshiruar dhe nënvizoi se duhet më shumë punë për të rritur shkëmbimin e ideve mes kaheve të ndryshme politike.

“Dua t’ju përcjell kërkesën e qytetarëve tanë, të cilët kanë  nevojë që t’ju shohin e t’ju dëgjojnë tek diskutoni për të tashmen e të ardhmen e tyre, pa humbur kohë me personalizimin e debateve dhe fyerje reciproke, skena këto që i zhgënjejnë, i bëjnë pesimist  dhe i distancojnë ata nga politika,” – u shpreh Begaj.

Presidenti bëri thirrje që Kuvendi të kthehet në një hapësirë pajtimi dhe debatesh konstruktive.

LEXONI GJITHASHTU:

• Dita e pavarësisë së Ukrainës/ Begaj uron Zelenskin: Do mbështesim sovranitetin tuaj
• Presidenti Begaj zhvillon takim me të Ngarkuarin me Punë të SHBA, David Wisner