“Censi me probleme”, Dule: Identifikimi i pakicave ka shkelje të të drejtave

Kreu i PBDNJ, Vangjel Dule doli këtë të premte në një konferencë për mediat ku tha se Censi për banesat dhe popullsinë, ka mangësi të mëdha sidomos sa i takon pakicave kombëtare.

Ai ngre pretendimin se gjatë realizimit të censit në pakicat kombëtare, janë shkelur të drejtat e njeriut

“Në lidhje me të drejtën e vetë identifikimit, komiteti këshillimor sjell në vëmendje që akti nënligjor nuk duhet të mbështete në argumente të cilat janë përfshirë në debatin publik në Shqipëri, siç janë kriteret objektive. E drejta e vetë identifikimit duhet të mbështetet tek zgjedhja subjektive e individit.

Së dyti, në lidhje me përdorimin e gjuhës së pakica kombëtare, komiteti vëren, se duhet që me aktet nënligjore t’u japë zgjidhje pengesave që krijohen nga 20% i kërkuar nga ligji, duhet përshtatur në njësi më të vogla, ose duhet ulur që të mos bëhet pengesë që të drejtat që burojnë nga konventa të jenë të respektueshme për të gjithë pjesëtarët e pakicave kombëtare.

Do të kaloj në rrafshin e dytë, atë të institucioneve kompetente për monitorimin dhe garantimin e të drejtave të pjesëtarëve të pakicave. Siç e dini kemi komitetin shtetërore për mbrojtjen e minoriteteve, gjithmonë ka qenë vlerësuar duke u nisur nga realiteti, dhe ky vlerësimi ynë evidentohet dhe në raportin e komitetin këshillimor. Më tepër ky komitet funksionin si përfaqësues i qeverisë, sesa si përfaqësi e minoriteve. Pra me mision të kundërt, nga i për të cilin është i destinuar nga ligji. Konstatohen mangësi në mënyrën e funksionim.

Komiteti këshillimor i Këshillit të Europës ka vënë re se raporti i vitit 2018 as nuk u postua në ndonjë site interneti shtetëror, as u përkthye, as nuk u përkthye në gjuhën shqipe, as nuk u realizua ndonjë tryezë e rrumbullakët e qeverisë me pakicat kombëtare. Urojmë që mos të ndodhë njësoj. Është momenti të reflektojmë, askush nuk mund të mbyll sytë të realitetit tonë për respektimin e të drejtave të pakicave kombëtare i cili lë shumë për të dëshiruar krahasuar me vendet e rajonit”,-tha Dako.

LEXONI GJITHASHTU:

• “Jemi në vijën e kuqe”, Nora Malaj: Në 2030 nuk do të kemi as mësues, as nxënës
• Pse nuk i bëri Berisha thirrje popullit? Arian Çani: Strategjia e re e PD