Ceremoni për 5 Majin, nderohen Dëshmorët e Atdheut në Gjirokastër

Edhe në Gjirokastër janë zhvilluar aktivitete për 5 Majin, Ditën e Dëshmorëve të Atdheut, në nderim të bijëve dhe bijave të qytetit të gurtë dhe të gjithë Shqipërisë që dhanë jetën për lirinë dhe prosperitetin e vendit.

Homazhet u mbajtën në Varrezat e Dëshmorëve, ku përfaqësues të forcave politike, institucioneve publike, pushtetit vendor, organizatave të veteranëve, familjarë të dëshmorëve dhe të rinj vendosën kurora dhe buqeta me lule.

Të pranishmit u përkulën në shenjë respekti për 496 dëshmorët që Gjirokastra i ka dhënë vendit.