Kryetari i Qendrës Burimore për Personat e Pagjetur, Bajram Çerkini, ishte i pranishëm në protestën e mbajtur nga Veteranët e Ushtrisë Çlirimitare të Kosovës këtë të shtunë në sheshin “Skënderbej” të Prishtinës.

Veteranët e UÇK-së kundërshtojnë miratimin e ligjit për pagën minimale, në të cilin nuk janë përfshirë kategoritë e dala nga lufta.

Në fjalën e tij ai tha se deputetëve duhet t’u vijë turp që nuk ngrenë dorën në parlament për dhënien e pagës minimale për atë persona të cilët kanë luftuar për liri.

“A ju vjen marre, a iu ka ardh gjynah në parlament mos me e çu dorën për një pagë mesatare të Republikës së Kosovës njeriu që ka dalë ta japë jetën për liri. Nuk ka askund në botë më marre. Unë nga shpirti po them lus të gjithë ta dini se çka është liria dhe çka kemi dhënë, s’ka shtëpi që s’ka dhënë gjak për këtë liri”, u shpreh tutje ai.

LEXONI GJITHASHTU:

• Mbahet në Kosovë protesta e veteranëve të UÇK-së
• Përfundon e qetë protesta në Kosovë, policia shpërndan ujë për veteranët e UÇK-së
• Pse u tërhoq Kurti? Analisti: Nuk kishte rrugë tjetër, sanksionet ishin serioze