Mateo Spaho: Shteti shqiptar i paaftë, humbi edhe kundër një mashtruesi

Francesco Becchetti ka fituar gjyqin në Arbitrazh ndaj shtetin shqiptar që tani i detyrohet 110 milionë euro biznesmenit italian.

Eksperti i ekonomisë Mateo Spaho tha në emisionin Review në Euronews Albania se në rastin e çështjes Becchetti shteti shqiptar tregoi se është i paaftë të fitojnë një çështje edhe kundër një mashtruesi siç pretendohet se është biznesmeni italian.

Sipas tij, deklarata e kryeministrit pasi e humbi gjyqin në të gjitha shkallët se Shqipëria do dalë nga Arbitrazhi është qesharake dhe e vonuar

“Ne e dimë se kush është dhe në këtë situatë shteti shqiptar ka qenë aq qesharak dhe aq i paaftë sa në të gjitha seancat dhe shkallët ka humbur me një person që mediat italiane thonë që është një mashtrues ordiner, ndoshta pak i strukturuar. Dhe pasi ka arritur vendimi përfundimtar del kryeministri dhe kërcënon gjykatën se do të dalë. Tani është fakt që do i paguajë lekët, se çdo shqiptar do paguajë 180 euro, që është sa gjysma e rrogës së një shqiptari”, tha Spaho.

LEXONI GJITHASHTU:

• “S’do paguajmë kokërr leku”, Çoçoli: Arbitrazhit i janë zënë sytë, ka gjykuar gabim
• Familje mashtruesish, gazetari Fatos Çoçoli tregon krimet e familjes Becchetti