Çështja ‘Berisha’, Basha: Keqardhje! Kosto e thellë për PD. Drejtësia të bëjë punën

Kreu i PD-së Lulzim Basha ka reaguar në lidhje me masën e sigurisë ‘arrest shtëpie’ për Sali Berishën.

Në një deklaratë për mediat, ai thekoi se në aspektin personal ndjen keqardhje që Berisha ka përfunduar këtu, ndërsa në aspektin zyrtar ai shtoi se drejtësia duhet të funksionojë .

Mes tjerash Basha tha se është e domosdoshme që opozita dhe PD-ja të ecë përpara.

“Kam dy reagime, njëri në rrafshin personal, tjetri është në rrafshin zyrtar. Në rrafshin personal më vjen shumë keq që një njeri që kam bashkëpunuar me një kohë të gjatë që padyshim ka dhënë kontributet e veta për vendin të përfundojë këtu. Është vetë përgjegjës për zgjedhjen që ka bërë. Kjo është njëra anë e kostos që sjellja e tij i solli të gjithëve. Kjo është kosto që i ka dhënë familjes së tij, por padyshim që i ka dhënë një kosto të thellë PD.  Nga ana tjetër është e domosdoshme që opozita dhe PD të ecin përpara. Përgjigja zyrtare është se në çdo rast, qëndrimi i PD është që drejtësi duhet të bëjë punën e saj të papenguar dhe çdo kush duhet të jetë në dispozicion të drejtësisë. Për këtë arsye kam çuar në Parlament dhe heqjen përfundimtare të imunitetit”-tha ai.

LEXONI GJITHASHTU: 

• Grip apo COVID? 1250 vizita në 10 ditë në Fier, moshat më të rrezikuara
• Tërmet i fortë në Afganistan, sa ishte magnituda