Kryeministri Rama ishte mëngjesin e kësaj të premteje në presidencë, ku mësohet se ka pasur një takim me Presidentint Bajram Begaj.
Gazetarja Eksiola Shehu, në një lidhje direkte për Euronenws Albania ka dhënë disa detaje nga ky takim. Ajo tha se zyrat e shtypit të kryeministrisë
“Zyrat e shtypit të kryeministrisë dhe Presidencës po tregohen hermetike deri sa njëri prej dy liderëve, Kryeministri apo Presidenti ndoshta do të ndajnë diçka përmes rrjeteve sociale, për takimin e parë që kryeministri Rama zhvilloi këtë të premte në zyrën e presidentit Begaj. Takimi zgjati rreth 30 minuta, por të dyja zyrat e shtypit e konsiderojnë një takim rutinë.
Ndoshta në orët në vazhdim do dimë diçka më shumë rreth këtij takimi. Por edhe pse nuk kemi një informacion se cila është tema kryesore e diskutimit, duhet të theksoj se ky takim vjen tre ditë para se kryeministri Rama të nisë vizitën e tij në Greqi.
Ndoshta mund të jetë edhe një komunikim i zotit Rama me presidentin sa i takon çështjes së detit. Kujtoj se edhe Greqia edhe Shqipëria kanë rënë dakord që çështjen e detit ta çojnë në gjykatën ndërkombëtare të Hagës”,- tha gazetarja Eksiola Shehu.