Çfarë do të bëjë Basha pas humbjes së vulës? Bejko: E nevojshme krijimi i një partie

Përfaqësuesi i grupimit të Bashës, Roland Bejko, i ftuar në Euronews tha se, Partia Demokratike me Berishën në krye nuk do t’i fitojë zgjedhjet. Sipas tij PD ka humbur vlerat e dikurshme dhe është kthyer në një parti sovraniste dhe private.

“Ata demokratë që mendojnë se po të shkojnë tek Berisha do të jenë në pushtet, ata e kanë gabim se Berisha nuk fiton dot më kurrë sa të jetë gjallë. Kjo ndodh se i ka rënë karta morale, moshën e ka në disfavor dhe me faktorin ndërkombëtar nuk i ka punët mirë. PD është kthyer në një parti sovraniste, parti private, është parti e tipit lindor nuk ka më asnjë pikë reference më perëndimin” tha Bejko.

Bejko shtoi megjithëse e vështirë është e nevojshmë krijimi i një partie të re, e cila do ta ketë më të thjeshtë të tërheq votuesit e djathtë.

“Po të kesh frymëzimin e duhur, besimin e duhur dhe këtë besim të dish ta përciellësh. Problemi është që në Shqipëri kemi një përshtypje të gjykimit në dikotomi, por dikush duhet ta krijojë një parti të re. Basha e ka të vështirë rikuperimin e imazhit të tij. Unë them që elektorati i djathtë është gati, mund dhe mos ta mundi Ramën, por ai që do të drejtojë partinë e re i ka të gjitha mundësitë teorike ta përfitojë votuesin e djathtë” tha ai.

LEXO GJITHASHTU:

• “Distancim nga Rama dhe Meta”, Basha: Kushti i vetëm që kam për bashkëpunëtorët
• Kryemadhi del pas 5 orësh nga SPAK: Kam bërë botoks si gjithë femrat