Organizata Botërore e Shëndetësisë (OBSH) ka zbuluar se sëmundjet kardiovaskulare janë përgjegjëse për 40% të vdekjeve në Evropë, që arrijnë në 10,000 vdekje në ditë, ose katër milionë në vit.

Për këtë arsye OBSH po u kërkon evropianëve të reduktojnë konsumimin e kripës.

Kardiologu Andi Çabelli shpjegoi në emisionin GoodMorning Albanians në Euronews Albania se konsumimi i tepër i kripës shkakton probleme të hipertensionit, që është një sëmumdje shumë e shpeshtë por shpesh e padiagnostikuar.

“Është e rëndësishme të marrë  kripë përmes dietës por me kalimin e viteve mekanizmat për të rregulluar përqendrimin e këtyre elektroliteve në gjak çrregullohet dhe organizmi ka vështirësi në eliminimin e natriumit dhe kjo mund ët shoqërohet me mbajtjen pak më tepër të ujit në organizëm që çon në hipertension. Kjo është arsyeja pse marrja e tepërt e kripës shkakton probleme kardiovaskulare”, shpjegoi mjeku.

LEXONI GJITHASHTU:

• OBSH jep alarmin për kripën, 10 mijë vdekje në ditë nga zemra…
• Sëmundjet kardiovaskulare, OBSH: Konsumimi i tepërt i kripës po rrit vdekshmërinë