Gazetari Leart Hoxha në një intervistë për Euronews Albania foli në lidhje me takimin e kreut të qeverisë së Kosovës Albin Kurti dhe presidentit serb Aleksandër Vuçiç.

Sipas tij në takim mund të ndryshojnë afatet se kur do të nisë asociacioni  të funksionojë.

Më tej ai nënvizoi se me 20 dhe 24 mars do të ketë seanca shumë të rëndësishme në Bruksel.

“Nuk mund të ndryshojë asgjë më 18 mars. Pasi zbatimi i marrëveshjeve paraprake është pjesë e dokumentit që Kurti e Vuçiç janë pajtuar.  Ajo që mund të ndryshojë është afati, kur asociacioni fillon të funksionojë. Ka dhe pika tjera që janë në favor të Kosovës dhe vështirësi për zbatimin e tyre do të ketë Vuçiç në terren. Me 18 besoj se hapësira për negocim ose hapësira për t’iu shmangur këtyre afateve është më e vogël për shkak të ngjarjeve që e pasojnë 18 marsin. Me 20 mars dhe me 24 mars janë seanca shumë të rëndësishme në Bruksel, ku do të raportohet për marrëveshjen Kosovë-Serbi”- tha ai.

LEXONI GJITHASHTU: 

• Në pronësi të karteleve meksikane, kapet 1 miliardë dollarë kokainë
• Biden i nënshtrohet operacionit për heqjen e tumorit, ja si shfaqet gjendja e tij