Kreu i PBDNJ, Vangjel Dule, tha në “Now me Erla Mëhillin” se nuk ka asnjë arsye se përse Fredi Beleri, i cili është zgjedhur si kryebashkiak i Himarës, të mos betohet.

Ai tha se kjo çështje nuk i takon gjykatës, pasi Belerit nuk i është hequr e drejta të ushtrojë funksione publike, për një periudhë të caktuar, e përderisa ai ka të drejtën të votojë, ka gjithashtu të drejtën që të zgjidhjet, pasi ende nuk dihet se sa do zgjasë paraburgimi i tij.

“Ka disa të drejta që nuk janë objekt i një gjykate që është e drejta e zgjedhjes, të zgjidhesh dhe të zgjedhës. Ka një vendim gjykate që thotë “x i privohet e drejta politike për 5 vite, apo marrja e funksioneve publike për këtë periudhë”. Nuk kemi një vendim të tillë për zotin Beleri që nga momenti që nuk kemi… Nëse do të mbahen zgjedhjet parlamentare pas 3 ditësh, a do e ushtrojë të drejtën e votimit pas tre ditësh? Pse ka të drejtën të votojë, por jo të votohet? Kur zgjidhesh është një cikël që fillon me kandidimin dhe përfundon me betimin”,-tha Vangjel Dule.

LEXONI GJITHASHTU:

• Kryebashkiakja e re në Himarë, Vangjel Dule: Teatër hijesh, loja që po bën Rama
• Përplasjet për Himarën, Deputeti i PS i jep zgjidhje Belerit në tavolinë: Nëse do…