Blerina Bala është zgjedhur kryebashkiakja e përkohshme në Himarë.

Këtë e ka komentuar kreu i PBDNJ, Vangjel Dule, ku teksa iu referua arrestimit të Fredi Belerit, tha se kjo histori nisi me rrëmbimin e një personi dhe përfundoi me rrëmbimin e një institucioni.

Mes tjerash, ai hodhi akuza duke shtuar se çdo gjë është në dorën e kreut të qeverisë Edi Rama, dhe se zgjedhja e Balës është kundër Kushtetutës.

“Nuk isha në Himarë, kur u zgjodh kryebashkiakja e re. Është një histori që nis me një rrëmbim personi dhe konkludohet me një rrëmbim institucioni. Ka një qëllim strategjik që ka të bëjë më rrëmbimin e pronës. Historia e nisur  me 6 maj të vitit të kaluar një javë përpara zhvillimit të zgjedhjeve, përfundon me përshëndetjen e uzurpimit të pushtetit të kreut të Bashkisë, me një proces arbitrar dhe të papranueshëm.

Kemi të bëjmë me një teatër hijesh, që janë marioneta që një aktor i lëviz prapa skenës dhe bën zëra të ndryshëm për t’u paraqitur në zëra të ndryshme për t’i paraqitur në karaktere të ndryshme. Pasi mendoi se me arrestimin, rrëmbim të Belerit dy ditë para zgjedhjeve, mendoj se kishte përfunduar lojën. Ai u detyrua të kryejë një akt tjetër më të thellë kundër kushtetueshmëri. Kryetarët e bashkive zgjidhen jo nga kryeministri, por në bazë të Kushtetutës”-tha Dule.

LEXONI GJITHASHTU: 

• Kolonjë/ Zjarr i përmasave të mëdha në pyllin e fshatit Boshanj
• Përplasjet për Himarën, Deputeti i PS i jep zgjidhje Belerit në tavolinë: Nëse do…