Çfarë po ndodh në Kosovë për 28 Nëntorin? Gazetari zbulon detajet: Janë nisur…

Gazetari Kosov Gjoci, në lidhje live për Euronews Albania, tregoi detajet se si do të kremtohet Dita e Pavarësisë në Kosovë.

Sipas tij, një pjesë e madhe e njerëzve përfshirë dhe liderët shtetërorë, do të jenë në Shqipëri. Ndërkohë, presidenten Vjosa Osmani, e cila që nga dita e djeshme ka vizituar qytetin e Shkodrës, ku dhe sot pritet të vizitojë qytetin e Vlorës dhe Tiranës.

“Nuk ka ndonjë axhendë nga Kryeministri Albani Kurti për sa i përket organizimit të aktiviteteve për këtë ditë të veçantë. Njoftim ka bërë veç ish-kreu i Parlamentit, Dimal Basha, i cili ka paralajmëruar vizita në Boletin dhe në Prekaz.

Kemi vetëm disa ngjarje që janë paralajmëruar nga komunat dhe lidhen me vizita në varrezat e Dëshmorëve. Kriza qeveritare ka prekur festat në këtë rast, ndaj, deri më tani nuk ka ndonjë organizim nga qeveria në detyrë apo nga institucionet në përgjithësi.

Fokusi më i madh do të jetë në Shqipëri, por në Prekaz do të ketë organizim të aktiviteteve jo vetëm për Ditën e Flamurit, por edhe për datat e tjera që përfshin kjo periudhë.

Një problem tjetër është edhe dita me shi, kur në Kosovë temperaturat kanë rënë ndjeshëm, ku kjo do të ndikojë në Prishtinë dhe aktivitetet nuk do të jenë aq të shumta.

Institucionalisht nuk ka organizime krahasuar me vitet e kaluara. Kriza politike ka infektuar festat”, u shpreh gazetari.

LEXONI GJITHASHTU:

• Stërnipi i Isa Boletinit sqaron: Nuk ishte me vonesë në ngritjen e flamurit në Vlorë
• Çfarë po ndodh në Shkup në 28 Nëntor? Gazetarja sjell detajet nga Festa e Flamurit