Chelsea i thotë “jo” Milanit për Brojën

Chelsea ka vendosur t’i thotë “jo” interesimit të Milanit për të nënshkruar me sulmuesin Armando Broja .

21-vjeçari shihet si pjesë e planeve të Mauricio Pochettinos, pavarësisht ndryshimeve rrënjësore të skuadrës së tij në “Stamford Bridge” këtë verë.

Milani kryeson listën e klubeve duke përfshirë West Hamin e interesuar për shqiptarin dhe dëshiron të sigurojë një marrëveshje huazimi me opsionin e blerjes përfundimtare pas një viti.

Megjithatë, Chelsea është i prirur të mbajë Brojën në “Stamford Bridge”, derisa ai është në prag të rikthimit të tij pas rikuperimit nga një dëmtim afatgjatë në gju i pësuar dhjetorin e kaluar.

“Blutë” e kanë refuzuar mundësinë për të nënshkruar me sulmuesin e Juventusit, Dusan Vlahovic, si pjesë e një marrëveshjeje shkëmbimi me Romelu Lukaku dhe nuk pritet të nënshkruajnë me një sulmues qendror këtë verë.

Ata planifikojnë që Broja të konkurrojë me Nicolas Jackson për një vend startues.

LEXONI GJITHASHTU:

• ​Blerjet e reja trembin Brojën, shqiptari kërkon largimin nga Chelsea
• Broja ‘trazon‘ rrjetin, mesazhi i koduar i sulmuesit shqiptar për Chelsea-n