Çifti shqiptar “koka” e aktivitetit kriminal në Spanjë, 31 të arrestuar

Autoritetet spanjolle kanë shkatërruar një organizatë kriminale që kultivonte kanabis në ambiente të mbyllura në Castellón.

Në pranga kanë rënë 31 persona, 9 prej tyre në Tarragona dhe një në Barcelonë, si autorë të dyshuar të krimeve të organizatës kriminale.

Aktiviteti i bandës shtrihej në Komunitetin Valencian dhe konkretisht janë arrestuar:

17 persona në  Castellón

9 Tarragona,

12 Valencia

2 Navarra

1 Barcelonë

Gjithashtu, në kuadër të operacionit të quajtur Masías, agjentët kanë kryer 21 kontrolle në shtëpi, 15 në Castellón, pesë në Tarragona dhe një në Valencia, ku u gjetën 10676 bimë dhe 69 kilogramë sytha marijuanë.

Në kuadër të operacionit janë sekuestruar mbi 5 mijë euro, një pistoletë, dokumente interesi, automjete të nivelit të lartë, pajisje elektronike dhe masive të magazinimit.

Hetimi filloi në vitin 2022 kur u zbulua vendbanimi i një grupi shqiptarësh të dyshuar për formimin e një rrjeti kriminal në qytetin Oropesa del Mar (Castellón).

Agjentët verifikuan se asnjë nga shqiptarët nuk kryente asnjë aktivitet pune dhe se organizata kishte ndihmën e një agjenti imobiliar, me origjinë spanjolle.

Ky person ka ndihmuar në logjistikën e pasurive të paluajtshme, të cilat më pas kanë filluar të përshtaten me nevojat kriminale duke manipuluar matësat e energjisë elektrike për të manipuluar furnizimin me energji elektrike dhe për t’i kthyer në objekte të përshtatshme për kultivimin e paligjshëm të marijuanës.

Sipas mediave të huaja, hetuesit identifikuan më shumë se 31 anëtarë të organizatës kriminale të cilët nën drejtimin e një çifti shqiptar kryenin funksione të ndryshme si rekrutues, ndërmjetësues, instalues, drejtues dhe kujdestarë të plantacioneve.

LEXONI GJITHASHTU: 

• Analisti: Liderit të opozitës në Serbi i kërcenohet jeta, BE i jep strehim të sigurt
• OBSH: Vendet të përgatiten për pandeminë e ardhshme