Cila ka qenë ngjarja më e klikuar nga shqiptarët për vitin 2023

Xhesilda Projka, eksperte nga Acromax, zbuloi gjatë emisionit “Review” në Euronews Albania dhe temën më të klikuar gjatë vitit 2023 në Youtube.

Ekspertja tha se ngjarja më e klikuar nga shqiptarët në youtube, ka qenë vrasja e Liridona Admeaj, e cila ka ndodhur kohët e fundit.

Misteri i ngjarjes së rëndë duket se ka mbërthyer shqiptarët para mediave për të mësuar më shumë rreth rrethanave dhe motiveve të ngjarjes.

“Trendi më i madh ka qenë kohët e fundit, që ka arritur më shumë klikime ka qenë tema e Liridona Ademaj në Kosovë. Kjo ka qenë tema që ka qenë më e klikuara pothuajse në çdo televizion. Ka pasur shumë interes, një ngjarje e mbushur me mister”, tha ajo.

Ndërkohë që eksperti i komunikimit Rezi Cenaj, deklaroi se kronika e zezë dhe ngjarjet që kanë dhunë janë ato të cilat tërheqin më shumë klikime.

“Ngjarjet që kanë të bëjnë me dhunë me kronikën e zezë janë ato që tërheqin më shumë dhe kanë ndjekjen më të madhe. Kanë ndodhur disa ngjarje vazhdimisht kohët e fundit ku vriten gratë dhe rasti i fundit që është më e klikuara është drama e shoqërisë sonë”, tha ai.

LEXONI GJITHASHTU:

• Sa para fiton kryeministri Rama nga klikimet në Youtube? E zbulon eksperti
• “Janë fiksuar”- Eksperti: Pse shqiptarët kërkojnë në google paranë e Koresë së Jugut
• Cili është qyteti shqiptar më i kërkuar në google për vitin 2023