Cilat janë mesazhet e presidentit gjerman? Ish-ambasadori tregon detajet

Ish-ambasadori i Shqipërisë në OKB, Agim Nesho, komentoi në një intervistë për Euronews Albania mesazhet e presidentit gjerman në vendin tonë.

Frank-Walter Steinmeier ka vizituar Shqipërinë më 1 dhjetor dhe do të qëndrojë këtu për 2 ditë. Hera e parë pas 27 vitesh që një president gjerman viziton vendin tonë.

Nesho tha se ai është një personalitet i spikatur dhe diplomat me përmasa të mëdha, që ka luajtur rol të rëndësishëm edhe në procese të tjera të paqes dhe stabilitetit në Ballkan.

Sipas tij, kjo vjen pasi Frank-Walter Steinmeier përfaqëson Gjermaninë, shtetin më të fuqishëm të Europës.

“Sot në Shqipëri është një vizitë tepër domethënëse me mesazhet e saj të qarta, që në radhë të parë tregon se Gjermania përkrah fuqishëm futjen e këtyre vendeve sa më shpejt në Bashkimin Europian,” – u shpreh Nesho.

Ai tha se perspektiva europiane e vendeve të Ballkanit Perëndimor është një perspektivë me një konsensus të gjerë tashmë nga të gjitha vendet e BE-së, duke parë edhe kushtet gjeopolitike që po kalon Europa.

Nënkryetari i Partisë së Lirisë shtoi se mesazhet e pritshme të presidentit gjerman lidhen me luftën në Ukrainë, krizën energjetike dhe emigrimit masiv të rinisë.

LEXONI GJITHASHTU:

• Presidenti Begaj: Gjermania, partneri kryesor për politikën e jashtme
• Vende për 400 mijë punëtorë të kualifikuar, Gjermania lehtëson rregullat e punës