Cilët autorë preferojnë shqiptarët? Hasani: Ja kush kanë më shumë sukses në panaire

Ekspertja e komunikimit dhe gazetarja Zefina Hasani është shprehur se panairi i ka dhënë zhurmën e duhur librit.

Komentet Hasani i bëri në emisionin “Barometri” në Euronews Albania, ku tha se ka të bëjë shumë edhe mënyra e komunikimit të autorëve të librave, për ta bërë vetë panairin e librit më atraktiv.

Ajo tha gjithashtu se autorët që janë edhe gazetarë ose ekspertë të komunikimit, kanë më shumë sukses, pasi e bëjnë vetë marketingun e librit të tyre, në stendat përkatëse.

“Vetë panairi ka bërë efektin e vetë gjatë këtyre viteve. Sa më shumë të gjenden mënyrat për ta çuar librin drejt qytetarëve, aq më mirë i bën. Panairi i ka dhënë zhurmën e duhur librit. Ti shikon prindërit që marrin fëmijët për dore dhe shkojnë në panair. Eksperienca shkon për t’ja edukuar dhe kultivuar fëmijës.

Pjesa e autorëve kam përshtypjen se shkonte te mënyra e komunikimit. Cila mënyrë komunikimi gjendet për ta bërë edhe panairin në vetëvete më atraktiv. Kur autorët e dinë gjuhën e komunikimit, kur janë gazatarë kryesisht, e bëjnë vetë marketingun brenda stendës ku janë. E ndihmojnë në këtë rast edhe shtëpitë botuese”, tha Hasani.

LEXONI GJITHASHTU:

• Panairi i librit, Behrami: Letërsia për fëmijë nga shkrimtarë shqiptarë, ka mungesa
• Djali i vogël surprizon gazetaren në Panairin e Librit: Do ta lexoj që sot