Cilët janë partnerët që këshilluan Bardhin të bashkohet me Berishën? Ironia e Jupit

Anëtarja e kryesisë së PD-së Taulanda Jupi, ironizoi duke thënë që Gazment Bardhi duhet të tregojë se kush janë partnerët ndërkombëtarë që u takua dhe që i dhanë këshilla.

Në një intervistë për Euronews Albania, ajo nënvizoi se Bardhi duhet të ulet në tavolinë me Sali Berishën në përpjekje për të bashkuar opozitën.

Më të tjerash ajo theksoi se Rama nuk luftohet me moral politik.

“Partnerët ndërkombëtarë dhe sidomos SHBA përmes DASH, po kështu dhe Britania e Madhe përmes Home Office janë shprehur qartë në anglisht, por dhe në shqip, Sali Berisha është i shpallur ‘non grata’ dhe unë nuk kam dëgjuar asnjë informacion tjetër që e kundërshton këtë shpallje ‘non grata’ të Berishës . Nëse Bardhi ka qenë në kontakt me partnerët, siç pretendon ai, do doja ti bënte publike këto takime dhe të shikojmë se cilët janë këta  partnerë që e udhëzojnë Bardhin dhe deputetët që e mbështesin atë dhe të shkojë dhe të ulet në bisedime me Berishën për të bashkuar opozitën. Qytetarët shqiptarë duhet të kthejnë sytë nga një e vërtetë shumë e madhe, Edi Rama nuk luftohet pa moral politik”- tha ajo.

LEXONI GJITHASHTU: 

• Kimioterapia në spitale/ KLSH: Mungon në Lezhë. Medikamentet drejt përfundimit
• Vidhte biçikleta dhe monopatina në Tiranë, 33-vjeçari arrestohet për herë të dytë