Vidhte biçikleta dhe monopatina në Tiranë, 33-vjeçari arrestohet për herë të dytë

Një 33-vjeçar në Tiranë është arrestuar në kuadër të operacionit “September” pasi ka vjedhur 3 biçikleta dhe 2 monopatina.

Policia bën me dije se 33-vjeçari me inicialet B.D., banues në Tiranë, është dënuar edhe më herët për të njëjtën veprimtari kriminale.

“Shërbimet e Komisariatit të Policisë Nr. 1, në vijim të punës për goditjen e veprimtarisë kriminale në fushën e vjedhjes, si rezultat i administrimit të menjëhershëm të denoncimeve të qytetarëve të ndryshëm, për raste të vjedhjes së biçikletave dhe monopatinave të tyre, me mbështetjen e inteligjencës policore, kanë organizuar dhe finalizuar operacionin policor të koduar “September”.

Si rezultat i këtij operacioni, u arrestua shtetasi B. (B). D., 33 vjeç, banues në Tiranë.

Nga veprimet hetimore dyshohet se ky shtetas, gjatë muajve të fundit, ka kryer 5 vjedhje në zona të ndryshme të Tiranës, konkretisht:

– Më datë 28.05.2023, dyshohet se ka vjedhur biçikletën e shtetases M. C.;

– Më datë 01.06.2023, dyshohet se ka vjedhur monopatinën e shtetasit A. C.;

– Më datë 14.07.2023, dyshohet se ka vjedhur biçikletën e shtetasit R. B.;

– Më datë 16.08.2023, dyshohet se ka vjedhur biçikletën e shtetasit K. H.;

– Më datë 28.08.2023, dyshohet se ka vjedhur monopatinën e shtetasit E. K.

Vijon puna për zbardhjen e vjedhjeve të tjera që mund të jenë kryer nga ky shtetas.

Materialet procedurale i kaluan Prokurorisë, për veprime të mëtejshme”,-thuhet në njoftimin e policisë.

LEXONI GJITHASHTU:

• Nën vëzhgim për dy javë në Paris, si u arrestua i vetëm duke pirë kafe Behar Bajri
• Dhuli: Në 2019 Edi Rama ka pritur në zyrë Belerin, i ka kërkuar të kandidojë për PS