Dhuli: Në 2019 Edi Rama ka pritur në zyrë Belerin, i ka kërkuar të kandidojë për PS

Ish-anëtari i Këshillit Kombëtar të PD-së dhe përfaqësuesi për Himarën, Skerdjan Dhuli tha në një intervistë për Euronews Albania se nuk është vendimi i duhur shkarkimi i ministrises së Jashtme në një kohë kur kemi një problem madhor me Greqinë.

Sipas tij, një vendim i tillë nga kryeministri Rama ka ardhur pasi Olta Xhaçka është e përfshirë drejtpërdrejt në korrupsion pronash.

“Pse Edi Rama ka pritur në zyrë Fredi Belerin? Edi Rama e ka pritur në zyrë Fredi Belerin, jo vetëm, por me 5 dëshmitarë himariotë. Atë Fred Belerin që ju thoni se është me kaq shumë probleme, Edi Rama e ka pritur në zyrë, madje i ka kërkuar të kandidonte për Partinë Socialiste, por për shkak se Beleri është i djathtë dhe ka bërë gjithmonë politikë djathtas, Edi Rama ngeli te Jorgo Goro,” – u shpreh Dhuli.

Sipas tij, kjo ka ndodhur në vitin 2019, kur Beleri drejtonte protestat e banorëve të Himarës për çështjen e planit urbanistik të Himarës.

LEXONI GJITHASHTU:

• Deputeti i PS: Pse kryeministri Rama bëri ndryshimet në kabinetin qeveritar
• “Pse s’ishte Berisha në protestën në Himarë”- Barka përplaset me Baçin për Belerin