Çmimet e ushqimeve rriten me mbi 2% në vitin 2021

Rritja mesatare vjetore e çmimeve të shportës bazë në vitin 2021 ishte 2%, nga 1.6% në vitin 2020.

INSTAT bën me dije se Indeksi i Çmimeve të Konsumit në muajin dhjetor 2021, arriti 103.7.  Ndryshimi mujor i indeksit të çmimeve të konsumit në muajin dhjetor 2021, krahasuar me nëntor 2021 kapi vlerën e 0.8%

Sipas INSTAT rritjen më të madhe kanë pësuar ushqimet dhe pijet jo-alkoolike me 2.2%. Krahasuar me muajin nëntor 2021, çmimet e grupit “Ushqime dhe pije joalkoolike” u rritën me 1.9 %, pasuar nga grupet “Hotele, kafene dhe restorante” me 0.9 %.

Për këtë çështje, eksperti i ekonomisë, Vjoldi Danaj u shpreh në emisionin “Mirëmëngjes” në Euronews Albania se Autoriteti i Konkurrencës duhet të ndërhyjë për të rregulluar çmimet në treg.

“Konsumatorët në Shqipëri janë më të pambrojtur në krahasim më të gjitha vendet e tjera.  Shteti duhet të jetë një rregullator i çmimeve”, u shpreh ai.

LEXONI GJITHASHTU:

• Çmimet e ushqimeve në rang global arrijnë nivelin më të lartë në 10 vitet e fundit