Conte drejt largimit, lojtarët e Tottenham kërkojnë rikthimin e trajnerit Pochettino

Tottenham ka zhgënjyer edhe këtë sezon në Ligën e Kampionëve, aty ku u eliminua nga Milani me rezultatin në total 1-0. Londinezët po kalojnë një situatë jo shuëm të mirë dhe në kampionat, ndërsa nën akuzë është trajneri Conte.

Italiani duket se do të marrë përsipër peshën e dështimit, ndërsa veç kritikave nga pronarët e klubit, tashmë kundra i kanë dalë dhe lojtarët.

Sipas asaj çka raportojnë mediat britanike, futbollistët kanë kërkuar rikthimin në pankinë të trajnerit Mauricio Pochettino. Ish-mbrojtësi argjentinas, pas aventurës me skuadrën e PSG është pa ekip, ndërsa nuk do t’i përgjigjej negativisht një kërkese të londinezëve.

Kujtojmë se Pochettino ka drejtuar skuadrën e Tottenham në periudhën 2014-2019, ndërsa ngërçi që po kalonte skuadra bëri që drejtuesit e klubit të vendosnin për shkarkimin e tij.

Ikja e tij u pasua nga Jose Mourinho, Mason e më pas Nuno Espirito Santos, por asnjëri nuk mundi të kthente shkëlqimin tek kjo skuadër. Ardhja e Contes në vitin 2021 u cilësua një transferim që do të sillte fryte, por sërish nuk ndryshoi asgjë.

LEXONI GJITHASHTU

• Man Utd “vulos” kualifikimin në Europa League, fitore edhe për Juventusin e Romën
• Milan në çerekfinale pas 11 vitesh, italianët eliminuan Totenhemin
• Kupa e Mbretit në Spanjë, një autogol i Militao vulos El Clasico-n