“Çregjistroni Bashën si kryetar i PD”, një tjetër çështje përplas 2 palët në gjykatë

Një tjetër padi i është shtuar çështjeve që ka Partia Demokratike në gjykatë. Anëtarja e kryesisë së PD, Edit Harxhi ka kërkuar çregjistrimin e Bashës si kryetar i partisë për shkak të faktit të njohur të dorëheqjes së tij.

Në kërkesën e Harxhit që ka kaluar më shumë se 18 muaj që është depozituar i kërkohet Gjykatës së Shkallës së Parë Tiranë, që të konstatojë pavlefshmërisë së procesit të zgjedhjes së kryetarit të PDSH në datën 13 qershor 2021 dhe çregjistrimin e Lulzim Bashës si kryetari i PDSH nga Regjistri i Partive Politike.

“Kërkova çregjistrimin e Bashës nga regjistri i partive politike të gjykatës si kryetar i PD duke qenë se është fakt i njohur botërisht që ai ka dhënë dorëheqjen. Kjo u pranua sot nga gjyqtari i çështjes, seanca do vijojë pas disa javësh. Ne vazhdojmë të insistojmë për çregjistrimin e Bashës”, tha Edith Harxhi, anëtare e kryesisë së PD.

LEXONI GJITHASHTU:

• Basha: Burrit nuk i shkon të kapë hekurin dhe fshesën
• Basha dhe Alibeaj peng të Ramës? Flet Fatbardh Kadilli