Ish-deputeti Myslim Murrizi shprehet i habitur për raportet e FBI-së me ish-funksionarët e Sigurimit të Shtetit.
Në një intervistë për Euronews Albania, Murrizi u shpreh se ka një listë me emrat e 81 ish-funksionarëve, të cilët kanë fituar lotarinë amerikane.
Ndër të tjera, Murrizi nënvizoi se shoferi i ish-diktatorit, Enver Hoxha, por edhe ish-oficerët e sigurimit, punojnë në ambasadën amerikane.
“Çudi e madhe e dashurisë së FBI-së me Sigurimin e Shtetit. Unë kam bërë 8 vite më parë, një listë me 81 emra, ish-funksionarë të lartë të Partisë së Punës, që të gjithëve për çudi u qëlloi lotaria dhe një listë me 23 emra, nga shoferi i Enver Hoxhës, gjithë oficerat e sigurimit, të drejtorisë së dytë, që punojnë në ambasadën amerikane. Pra, je zhytur në llumhane, e ke bërë pis”, theksoi ai.
LEXONI GJITHASHTU