Gazetarja Glidona Daci thotë se përdoruesit e dinë më mirë se policia se ku shpërndahet kokaina në vendin tonë.

Në emisionin “Good Morning Albanians” në Euronews Albania, Daci u shpreh se në momentet e para, personi që e shpërndan lëndën narkotike, ia ofron atë falas përdoruesit.

Më pas, nëse përdoruesi krijon varësi, do detyrohet që ta blejë.

“Unë, për shembull, po të më thuash mua sot, do gjesh dikë që të shpërndajë drogë, do më duhet të marr policinë, kush është i skeduar dhe kush ka informacion që ta zbuloj se kush merret me shpërndarjen e lëndës narkotike. Përdoruesit i dinë shumë më mirë se unë dhe ti, e njohin shumë mirë njëri-tjetrin.

Në disa raste, në momentet e para, kur nis personi që bën shpërndarjen, fillimisht vetëofrohet, ta ofron nëse ti do apo jo ta provosh. Më pas, nëse ti e ble një herë, dy herë dhe krijon varësinë, ti do detyrohesh të shkosh dhe ta blesh gjithmonë. Por ka një problem, dozat e para jepen të mira, por jo me paracetamol apo me pleh kimik. Më vonë i bëjnë me aspirina, me paracetamol”, theksoi ajo.

LEXONI GJITHASHTU

• Iu gjetën në banesë, drogë dhe armë, në pranga 31-vjeçari i dënuar me 4 vite burg
• Kapen 85 kg drogë në Fier, arrestohet 25-vjeçari, arratiset shoku i tij
• Sekuestrohen 3.2 ton kanabis në Kosta Rika, 7 persona të arrestuar