Dalin pamjet kur autorët ndjekin dhe rrëmbejnë 23-vjeçarin që u gjet i vdekur

Euronews Albania ka siguruar pamjet që dokumentojnë momentet e ndjekjes dhe rrëmbimit të 23-vjeçarit Renis Dobra më 8 korrik, në Mat.

Në video shihet një automjet i bardhë, i dyshuar si mjeti i përdorur nga autorët për rrëmbimin dhe më pas vrasjen e të riut. Pamjet tregojnë makinën duke ndjekur një tjetër automjet, që dyshohet se përdorej nga viktima.

Në skenë shfaqet edhe një Range Rover, i cili sipas të dhënave hetimore, ishte vendosur për të vëzhguar lëvizjet e autorëve gjatë momentit të rrëmbimit.

Hetimet kanë identifikuar si autorë të dyshuar vëllezërit Bushgjokaj dhe Petrit Çakërri nga Tropoja. Ata dyshohet se e kanë përgjuar Dobrën për tre ditë në zonën e Burrelit, derisa më 8 korrik e rrëmbyen, e torturuan dhe më pas e mbytën me litar. Trupi i pajetë i 23-vjeçarit u gjet më pas në Liqenin e Shkopetit.

Në pamje dallohet edhe momenti kur autorët largohen me shpejtësi nga vendi i rrëmbimit, duke përdorur mjetin e bardhë.

LEXONI GJITHASHTU:

• Arrestohen ekzekutorët e Renis Dobrës, njëri dëshmitar në vrasjen Azem Hajdarit
• E hodhën me makinë drejt liqenit, zbardhen detaje të reja nga vdekja e 23-vjeçarit
• Mister pranë liqenit të Shkopetit/ 23-vjeçari gjendet i vdekur, makina brenda ujit