“DASH konfirmoi që non grata ishte vendim politik”, Berisha: S’udhëtoj dot këto ditë

Kreu i Partisë Demokratike Sali Berisha komentoi në një konferencë për mediat shkrimin e gazetarit amerikan Caputo, sipas të cilit DASH e lejon atë të udhëtojë në SHBA.

Berisha tha se me këtë vendim DASH i jep përgjigjet pretendimeve të Rames dhe Soros për të lënë vendin pa opozite.

“Në këtë mënyrë DASH  jep përgjigjen më të fuqishme atyre përpjekjeve që u bënë për një Shqipëri pa opozitë nga Edi Rama në mendësinë e etërve të tij, Xhorxh Soros dhe Antoni Blinken.

Ky vendim i një rëndësie të madhe, shkëputjes dhe mospranimit të vendimeve politizues, përpjekjeve të administratës së mëparshme që për shkak të lobimit korruptiv të Edi Ramës dhe Sorosit, të ndëshkonin opozitën konservatore, përfunduan njëlloj si ai firmosi, aty ku e kanë vendin.

Me këtë rast, unë falënderoj DASH, sekretarin Rubio, administratën e re dhe presidentin Trump për këto qëndrime jashtë zakonisht të rëndësishme, kundër vendimeve të ekstremit të majtë, kundër vendimeve të ekstremit të majtë, kundër vendimeve të forcave antidemokratike, të majta në Shqipëri dhe kudo në botë.

Ky vendim është gjithashtu një shpërblim i madh për të gjithë ata demokrate e demokratë që në kushtet më të pazakonte qëndruan për kauzën e drejtë, qëndruan për të vërtetën, e cila vonon, por nuk harron.

Ky vendim nxjerr edhe njëherë para shqiptarëve dhe botës, fytyrën e shëmtuar të atyre që morën përsipër një akt të tillë, që vendimet politike të godisnin opozitën konservator në Shqipëri”, tha Berisha.

I pyetur nëse do të udhëtojë drejt SHBA pas këtij vendimi, Berisha u shpreh se nuk ka ndërmend ta bëjë këtë gjë këto ditë që në Shqipëri mbahen zgjedhjet.

“Unë vendimin e mora vesh mbrëmë, në të njëjtën kohë që e morët vesh dhe ju. Nuk kisha ndonjë plan për udhëtim dhe natyrisht nuk mund të them se do të udhëtojë këto 2-3 ditë sepse janë ditët e kulmit të fushatës.

Sigurisht në një kohë më të përshtatshme do kisha shkuar, por ky vendim nuk humbet vlerë, është një vendim jashtëzakonisht i çmuar”, tha Berisha.

LEXONI GJITHASHTU:

• Gazetari amerikan deklaroi se Berisha mund të udhëtojë në SHBA, reagon PD
• Gazetari amerikan: Pyeta në DASH, Berisha mund të udhëtojë në SHBA