David Silva tërhiqet nga futbolli, mesfushori spanjoll i penalizuar nga dëmtimet

Pas 2 dekadash në futbollin profesionist, ylli spanjoll i mesfushës, David Silva ka varur këpucët në gozhdë. I penalizuar shpesh nga dëmtimet, ish-lojtari i Manchester Cityt që ka fituar 4 herë Premier Leaguen, ka njoftuar tërheqjen nga futbolli.

Silva ka zhvilluar një karrierë të jashtëzakonshme me disa trofe të fituar, mes tyre kampionatin evropian në 2008-2012. Si profesionist e nisi tek skuadra e Valencias në vitin 2004 ku luajti për 6 sezone, ndërsa më pas u transferua në Premier Leaguen angleze, aty ku u cilësua një ndër mesfushorët më të mirë në Ligë.

Në 2020-ën, spanjolli u kthye në shtëpi, ku nënshkroi me Real Sociedad, ndërsa në 3 sezone numëron 74 ndeshje të luajtura. Dëmtimi i rëndë në gju bëri që në moshën 37-vjecare të ndahet përfundimisht nga futbolli i luajtur.

Kjo verë do të sjellë fundin e karrierës dhe për një tjetër futbollist, Diego Godin. Uruguaiani vitin e shkuar u transferua në kampionatin argjentinas, por duket se forma që po kalon nuk është ajo e para disa viteve, duke konfirmuar se pak ditë më pas do të ndahet nga futbolli.

Pjesën më të madhe të karrierës e kaloi me Atletikon e Madridit, ku fitoi kampionatin, e disa trofe të tjerë, mes tyre dhe superkupën e Evropës.

LEXONI GJITHASHTU:

• Europa në flakë, vijojnë zjarret në ishujt grekë, në Siçili digjen 700 ha pyje
• Megaoperacioni| Softa: Arrestimet të shoqërohen me dënime, akuzat të vërtetohen