De Biasi mund të rikthehet si trajner, kombëtarja që përflitet

Trajneri portugez Fernando Santos rrezikon të largohet nga drejtimi i Azerbajxhanit pas disfatës së rëndë 5-0 ndaj Islandës. Rezultatet e dobëta të përfaqësueses azere kanë rritur presionin ndaj teknikut. Bilanci i tij është tepër negativ me vetëm dy barazime (0-0 ndaj Estonisë dhe Polonisë) dhe nëntë humbje në 11 ndeshje, me katër gola të shënuar dhe plot 29 të pësuar.

Sipas mediave sportive, mes emrave të mundshëm për të zëvendësuar Santosin është edhe italiani Gianni De Biasi, i cili ka një të kaluar në stolin e Azerbajxhanit. Ai e drejtoi ekipin nga korriku 2020 deri në nëntor 2023, duke arritur 10 fitore, 8 barazime dhe 21 humbje në 39 ndeshje, me një golaverazh 34-56.

Ndërkohë, Azerbajxhani pritet të përballet me dy sfida të vështira në kuadër të Grupit D të kualifikimeve evropiane për Kupën e Botës 2026: fillimisht ndaj Ukrainës në shtëpi të martën, përpara se më 10 tetor të udhëtojë drejt Francës përballë kampionëve të botës 2018.

De Biasi është i njohur për kualifikimin historik të kombëtares shqiptare në finalet e Euro 2016.

LEXONI GJITHASHTU:

• Një tjetër ndryshim në listën e Shqipërisë, largohet portieri i kuqezinjve
• Ndryshon lista e kombëtares: Mbrojtësi shqiptar braktis kuqezinjtë, zgjedh Zvicrën