Debat Kalaja-Rupi: Ndërhyrja e partive ka qenë e kot, asnjë kauzë nuk është zgjidhur

Dy aktivistët Marsel Rupi dhe Aulon Kalaja janë përplasur me njëri-tjetrin në studion e Euroneës Albania.

Shkak i debatit të tyre  janë bërë protestat e organizuara në vendin tonë ndër vite.

Rupi është shprehur se protestat e organizuara nga politika kanë dështuar gjithmonë, gjë e cila është kundërshtuar nga  Aulon Kalaja.

Pjesë nga debati:

Rupi: Ajo që nuk bie dakord është se cila ka qenë kjo protestë që ka pasur sukses pikërisht nga politika.  Nuk e di asnjë rast që protesta të ketë pasur sukses. Sukses do të thotë se ti je një kundërshtar real i asaj që ke përballë dhe i arrin gjëra që ai përballë nuk do donte të arriheshin. Gjithmonë është zgjedhur njëfarë zgjidhje kur protestat janë organizuar nga qytetarët, e jo nga opozita që ka qenë pjesë e parlamentit. Këtu po luhet një rrokadë e cila prej 32 vitesh ka qenë pjesë e jetës sonë.

Kalaja: I japim Çezarit atë që i takon Çezarit. Një rast kur politika ka ndërhyrë dhe  ka pasur fitore të shkëlqyer ka qenë koha kur PS ishte në opozitë dhe depiutetët e PS dërguan në Kushtetuese marrëveshjen e detit me Greqinë dhe e rrëzoi Gjykata Kushtetuese. Kufijt detarë tëGreqisë në Shqipëri ishte çështje shumë e rëndësishme. Dhe te Teatri Kombëtar ishte opozita por nuk kishte çfarë të bënte

Rupi: Ku ishte opozita? Të paktën për Teatrin Kombëtar nuk mund të thuash asgjë. Në momentin që ka ardhur opozita në Teatrin Kombëtar, aty u shpërbë e gjithë kauza e Teatrit.

Kalaja: Kam qenë aty, më është vendosur automatiku nga RENEA.

LEXONI GJITHASHTU: 

• Auron Kalaja: Në shumë raste, ndërhyrja e politikës në protesta është e nevojshme
• Aulon Kalaja: Protestat nisen nga qytetarët dhe bitisen nga politika
• Ndarja nga jeta e stilistes Westwood, Koka: Hoqi rregullat e veshjeve strikte