Debate në komisionin TIMS, Gogu-Salianjit: Hidh kërkesën e ministrit Balla në votim

Komisioni hetimor për trajtimin e të dhënave të sistemit “TIMS” është shoqëruar me debate mes përfaqësuesve të mazhorancës dhe opozitës.

Shkak është bërë refuzimi nga ana e kryetarit të komisionit Ervin Salianji për të hedhur në votim kërkesën e ministrit të Brendshëm Taulant Balla për të zhvilluar mbledhje me dyer të mbyllura.

Nënkryetari i komisionit Toni Gogu i kërkoi kryetarit Ervin Salianji të hedhë në votim kërkesën e ministrit të Brendshëm, Taulant Balla, që mbledhja të zhvillohet me dyer të mbyllura për shkak të informacionit të klasifikuar.

“Ky komision është vend punë e jo spektakli. Spektakli i këtij komisioni janë vendimet e komisionit jo sa herë del ti në televizor. Hidh në votim kërkesën siç të detyron ligji sepse nuk e mbar ti pushtetin e komisionit. Te je një i parë në mes të barabartëve, drejton mbledhjet e këtij komisioni e thërret mbledhjen e këtij komisioni. Për kërkesën e Ballës duhet të informosh komisionin dhe ta hedhësh në votim”, tha Gogu.

LEXONI GJITHASHTU:

• Dëshmitë për “TIMS” në Komisionin Hetimor, kërkohet seancë me dyer të mbyllura
• Komisionin hetimor i TIMS/Salianji publikon kalendarin e thirrjes së dëshmitarëve