Debate te Këshilli i Mandateve, PD kundër ndryshimeve në Rregullore: Të zbardhet vendimi i GjK

Është shoqëruar me debate dhe përplasje mbledhja e Këshillit të Mandateve dhe Rregullores ku në rendin e ditës ishte vendosur diskutimi i propozimit të Partisë Socialiste për ndryshimin e Rregullores së Kuvendit.

Opozita kundërshtoi draftin e Partisë Socialiste për disa ndryshime në Rregullore, ku ndër të tjera parashikohet që të ulet koha e fjalës së deputetëve në foltoren e Parlamentit.

Deputeti demokrat, Oerd Bylykbashi argumentoi se duhet të pritet zbardhja e vendit të Gjykatës Kushtetuese, pasi projektvendimi i hedhur për shqyrtim, ka dispozita që më herët janë shfuqizuar nga Kushtetuesja.

Ndërkohë, për socialistët kërkohet që ligjet të cilat synojnë përafrimin me normat e BE-së, e që në mënyrë eksplicite janë të ndaluara të kalonin me procedurë të përshpejtuar, tani e tutje të miratohen pa diskutime të gjata.

Pasi Balla lexoi propozimin e PS, mbledhja u vendos që të shtyhet deri në zbardhjen e vendimit të Gjykatës Kushtetuese.