Gjendet zgjidhja për banorët e Thumanës, Balluku: Do ketë rrugë alternative

Mbikalimi i Gramzës dhe rruga alternative, janë dy mundësitë për qarkullimin e banorëve të Thumanës e Krujës. Kjo është përgjigja që ka dhënë ministrja Belinda Balluku në interepelancë, në kuvend.

Banorët e Thumanës, Krujës dhe Fushë-Krujës, të cilët kanë kërkuar një rrugë lidhëse me autostradën Thumanë-Kashar, do të marrin një zgjidhje provizore. Ata do të kenë mundësi të hyjnë në rrugën e re, përmes nyjes së Gramzës.

 “Do të ketë rrugë më të shkurtër, do të rrugë të dedikuar që nis menjëherë. Jemi në fazën e firmosjes së kësaj kontrate. Kemi sqaruar se ata do të aksesojnë në mbikalimin e Gramzës, duke zgjidhur kështu deri ditën që do të kemi rreth rrotullimin dhe mbikalimin e plotë në hyrje të Thumanës dhe atëherë do të pushojë zgjidhja provizore”,-tha Belinda Balluku, Ministre e Infrastrukturës dhe Energjisë.

Balluku tha se Shqipëria po ndjek modelet ndërkombëtare për ndërtimin e rrugëve me pagesë, dhe paralel me to janë edhe rrugët alteranative, siç autostrada Thumanë-Kashar e ka.

Në parlament, ministrja Balluku u përball me deputeten Elda Hoti, e cila tha se projekti fillestar i Autostradës ka pasur nyje në zonën ku banorët protestojnë.

LEXONI GJITHASHTU:

• “O vlla, më duhet Mondi”- Bardhi i lexon përgjimet e Sky Ramës: Kush ta emëroi….
• VIDEO| Sjellja skandaloze e deputetit Pandeli Majko, shtyn me force gazetaren