Debatuan për motive të dobëta, 47-vjeçari qëllon me armë ndaj banesës së familjarëve

Një 47-vjeçar është arrestuar nga policia e Gjirokastrës pasi qëlloi me armë gjahu, në drejtim të banesës ku ndodheshin familjarët e tij.

Ngjarja e rëndë ëndodhi rreth orës 09:15 në zonën e quajtur “Ura e lumit”.

Nga informacionet paraprake bëhet me dije se 47-vjeçari rrëmbeu armën dhe qëlloi në drejtim të banesës së familjarëve pas një konflikti për motive të dobëta.

Pas ndërhyrjes dhe arrestimit të personit në fjalë, u gjet dhe u sekuestrua në cilësinë e provës materiale, arma e gjahut me të cilën qëlloi.

Fatmnirësisht nga të shtënat nuk raportohet për shtetas të dëmtuar.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

“Menjëherë pas njoftimit se rreth orës 09:15 të mëngjesit të sotëm, për motive të dobëta, një shtetas kishte qëlluar me armë gjahu, në drejtim të banesës ku ishin familjarët e tij, në zonën e quajtur “Ura e lumit”, shërbimet e Komisariatit të Policisë Gjirokastër organizuan punën dhe mbërritën në vendin e ngjarjes, për të arrestuar shtetasin përgjegjës.

Si rezultat, u bënë të mundur parandalimi i përshkallëzimit të mëtejshëm të këtij konflikti, si dhe arrestimi i autorit të dyshuar, shtetasit L. S., 47 vjeç, banues në Gjirokastër”, thuhet në njoftimin e policisë.

LEXONI GJITHASHTU:

• Dhunoi të ëmën duke i shkaktuar lëndime në trup, arrestohet 31-vjeçari
• 7 prej tyre emigrantë, shoferi nga Shkodra! Detaje mbi aksidentin me 8 viktima
• Fotot|Policia i bëri shenjë të ndalonin, si ndodhi aksidenti me 8 viktima në Këlcyrë