Dedaj: Basha të tregohet i matur në retorikën e tij, mos të krijojë përçarje

Reldar Dedaj, kryeredaktor i Liberale, ka komentuar situatën në PD duke thënë se Lulzim Basha, i cili do të rikandidojë sërish si kryetar i kësaj force politike, duhet të tregohet shumë i matur.

Në një intervistë për Euronews Albania, ai theksoi se duhet të krijohet një parti që të njihet kontributet dhe rezultatet.

Ai shtoi më tej se lidershipi duhet të jetë i matur dhe inteligjent.

“Situata në të cilën ndodhet PD-ja sot kërkon që retorika e PD dhe propaganda e Bashës nuk duhet të shndërrohet në një ekzistencializëm autentik. Ne duhet të krijojmë një parti inteligjente që njeh kontributet; ne nuk mund të ndërtojmë sot një parti që nuk njeh kontributet, rezultatet. Grupi i lidershipit të PD-së duhet të tregojë maturi për shkak të situatës që po krijohet gjatë këtyre ditëve. Problemi është si të ngremë opozitën. Kërkojmë një mentalitet ndryshe. Lidershipi të jetë i matur dhe inteligjent. Basha duhet të tregohet i matur në retorikën e tij. Mos të ketë retorikë përçarëse”- tha ai.

LEXONI GJITHASHTU: 

• “20 qershori ditë turpi”, Berisha: Narkoshteti sulmoi brutalisht muxhahedinët
• Babë e bir me origjinë shqiptare rrahin me bastun grekun në mes të rrugës